Қызылордада «Адалдық музейі» бұрышы ашылды
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен сыбайлас жемқорлықтың алдын алу мақсатында бірқатар шаралар жүзеге асырылуда.Осы орайда облыстық тарихи-өлкетану музейінің Ақмешіт музейі филиалында «Адалдық музейі» бұрышы ашылды. Мұндай шараларды жүзеге асыру жастардың тәрбиесі мен адалдығын арттыруға бағытталған. Мақсаты: Музейге келушілердің жауапкершіліктерін шыңдау, адалдыққа өзара сенімділікке, жақсы қасиеттерге баулу, сыбайлас жемқорлыққа қарсы имунитетті қалыптастыру, шыншыл болуға, кісі ақысын жемеуге яғни кассалық жәшік арқылы өз-өзіне қызмет жасау.
Шараға қатысқан студенттер мен оқушылар мұндай кассирсіз музейдің қызмет жасауына таңданыспен қараса да, біз жастарға білдірген сенім деп білеміз. Шараға ҚР Мемлекеттік қызмет істер және сыбайлас жемқорлыққа қарсы іс қимыл агенттігінің Қызылорда облысы бойынша департаменті басшысының орынбасары Байқожаев Берік Ұзақұлы мен қызметкерлері және Қызылорда облыстық тарихи-өлкетану музейінің директоры Бахыткүл Тоқтамұратқызы, музей қызметкерлері, М.Мәметова атындағы жоғары колледжінің студенттері қатысты.
