БИДАЙКӨЛ АУЫЛЫНА КӨГІЛДІР ОТЫН БЕРІЛДІ
7 мамыр - Қазақстан Республикасының Отан қорғаушылар күні мемлекеттік мерекесі қарсаңында Гигант ауылдық округі, Бидайкөл ауыл тұрғындарына көгілдір отын берілді.
Аудан әкімі Әшім Оразбекұлы Бидайкөл ауылының тұрғындарын тарихи күнмен құттықтап, газ құбырын салтанатты түрде ашты.
Шиелі ауданында осыған дейін алғаш рет ақ күріштің атасы, даңғайыр дихан Ыбырай Жахаев ауылына көгілдір отын пайдалануға берілген болатын.
Бидайкөл ауылы тұрғын үйлеріне газ жүргізу жұмысын «Демеу ИК» ЖШС-гі өз қаржысы есебінен жүргізілуде. Бүгінгі күнге 21,0 шақырым көшелер қазылып газ жүргізуге труба тарту жұмыстары жүргізілді.
