БИДАЙКӨЛДЕ МЕРЕКЕЛІК ШАРА ӨТТІ
Тәуелсіздік күні мерекесіне орай Шиелі ауданы Бидайкөл ауылдық мәдениет үйінде «Желтоқсан жаңғырығы» атты мерекелік шара өтті.Шараны аудан әкімінің орынбасары Тұрмаганбет Жағыпбаров пен аудандық ауылшаруашылығы бөлімінің басшысы Мұхамедәлі Мақаш ашып, ауыл тұрғындарын Тәуелсіздік мерекесімен құттықтады. Ел үшін еңбек еткен ауыл азаматтарына сертификат пен ақшалай сыйлық табыстады. «Бидайкөл» шаруа қожалығының төрағасы Талғат Байдалиев құттықтау сөз сөйлеп, ұзақ жыл ауыл шаруашылық саласында еңбек етіп, зейнеткерлікке шыққан Мұқанов Бекпай ағамыздың иығына шапан жапты. Марапат соңы мәдениет үйі өнерпаздарының концерттік бағдарламасына ұласты.
