Жалағашта ет консервілейтін кәсіпорын ашылды
Жалағаш ауданындағы Таң ауылдық округіне қарасты Жаңақоныс елді мекенінде «АгроЛидер Таң» ЖШС-ның ет бумалау, консервілеу цехы жұмыс істеуде.
Мемлекеттік-жекешелік әріптестік негізінде жүзеге асқан жоба. Мұнда күніне 10 ірі қара сойылып, 500 келі ет өңделеді. Цех құрылысы өткен жылдың тамыз айында басталып, биыл мамырда аяқталды. Ғимаратта мал сою, ет кесу және бумалау бөлмелері, мұздатқыш орналасқан. Жауапты жұмысты ветеринар, технолог, зертханашылар атқарады.
-Біздің өнімді әзірге өңір тұрғындары тұтынуда. Алдағы уақытта нарық ауқымын ұлғайтып, басқа облыстармен байланыс орнатуға бекініп отырмыз, - дейді «АгроЛидер Таң» ЖШС директоры Сәкен Шағыртаев.
