САЙЛАУШЫЛАР ДЕПУТАТТАРҒА ОҢ БАҒАСЫН БЕРДІ
Қалалық мәслихат депутаттарының өз округтері бойынша сайлаушылары алдында есеп беру кездесулері ағымдағы жылдың 16-17 қарашасы күндері де өз жалғасын тапты.Депутаттар Л.Қожаниязовамен, С.Бихожаевамен, Ж.Жарасбаевпен, Б.Ысқақовпен, А.Сүйінтаевпен өткен кездесулер барысында тұрғындар тарапынан аяқ су, мектеп ғимаратына күрделі жөндеу жұмыстарын жүргізу, тұрғын үйлер ауласын жарықтандыру, тұрғын үйлердің жоғарғы қабаттарына судың кедергісіз жеткізілу мүмкіндіктерін қарастыру, интернат ашу, қоғамдық көлік, шет аймақтағы көшелерді асфальттау, газдандыру мәселелері көтеріліп, депутаттар тарапынан бұл мәселелер назарға алынып, алдағы уақытта жүзеге асырылуы бақыланатындығы айтылды.
2017 жылдың қорытындысы бойынша өз округтерінде атқарылған жұмыстар туралы баяндама жасап, тұрғындардың өтініштері мен ұсыныс-пікірлерін тыңдаған депутаттарға сайлаушылар оң бағасын беріп, өз ризашылықтарын білдірді.
