ӨРТ СӨНДІРУ БӨЛІМІНІҢ ҚЫЗМЕТКЕРЛЕРІ РЕЙД ЖҮРГІЗДІ
Қыс маусымы басталған кезеңде өрттің басым көпшілігі пеш пайдаланылатын жеке тұрғын үйлерде кездесуі мүмкін. Өрттің негізгі себептері - жылыту пештерін уақтылы жөндемеу, пайдалану, тазалау және қатты жылыту. Өрттің тағы бір себебі электрмен қыздырылатын аспаптардың дұрыс жұмыс істемеуіне байланысты.Қызылорда облысы ТЖД Өрт сөндіру және авариялық-құтқару жұмыстары қызметі №2 мамандандырылған өрт сөндіру бөлімінің қызметкерлері «Пеш отының қаупі – көмір-қышқыл газымен уланудың алдын алу» іс-шарасы аясында жеке үй шаруашылықтарына рейд жүргізді.
Рейд барысында олар тұрғындарға қауіпсіздік шаралары мен өрт орын алған кезде атқарылатын іс-әрекет жөнінде айтты. Сонымен бірге қала тұрғындарына жедел қызмет телефон нөмірі туралы ескертіп, жадынама-парақшасын таратты.
