"Денсаулық фестивалі" өтті
Қызылордада 14 қыркүйек күні қалалық мәдени және демалыс паркінде «Денсаулық сандарына қол жеткіз!» ұранымен денсаулық фестивалі өтті.
Шара барысында, медициналық қалашық , «Денсаулық жәрмеңкесі» жүргізіліп, қаламыздағы «Дінасыл» балабақшасының бүлдіршіндері «Таза ауада тыныста!» ұранымен йога жаттығуларын ұсынды.
Фестиваль барысында «Салауатты жұмыс орны» номинациясымен «Абзал және К» толық серіктестігі, АТФ банкінің Қызылорда қаласындағы филиалы және «Салауатты ұрпақтың тәрбие ұясы» номинациясымен «Дінасыл» балабақшасы, «Салауатты мектеп» номинациясымен №4 «Дарында балаларға арналған мектеп интернаты» марапатталса, «Салауатты аурухана» номинациясымен «Облыстық көп бейінді ауруханасы жеңімпаз атанды.
«Денсаулық фестивалі-2019» аясында Дүниедүзілік денсаулық сақтау ұйымының «Салауатты жұмыс орны» жобасына енген мекемелер арасында жүргізілген топтық спорттық эстафестасында 1 орынды «Болашақ» универсерситеті, 2 орынды АҚ Казпошта иеленсе, 3 орынды АТФ банкінің Қызылорда қаласындағы филиалы місе тұтты.
Сонымен қатар, фестивальға жиналған халық арасында «Қозғалыс бұл денсаулық!» ұранымен ұлттық спорттық жарыстар, «Заманауи би жарысы» өткізілді. Сайыс жеңімпаздары бағалы сыйлықтармен марапатталды.
