Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » » Су спортының жаңа базасы

Су спортының жаңа базасы

Дарияның қолтығынан ыңғайлы орын таңдалып, бүгінге дейін тұрақты мекен жайы жоқ байдарка мен каноэде ескек есу спортына арнайы база салынатын болды. Оны Нұр-Сұлтан қаласының белгілі құрылыс компаниясы «Bolashak international development»  ЖШС жүргізетін болып, қуанып отырмыз.  Бұл облыс үшін орны биік құрылыс еді. Рас, дәл қазіргі қауіптің уақытында құрылыс жүргізу де бір батылдық, ал, оны үйлестіру, мән беру ол екінші ерлік. Қызылорда үшін қай спорт түрі болсын, таңсық болмай қалды.  Мұз айдыны да салынды. Бокс алаңы да пайдалануға берілді. Теннис корды да жұмыс істейді. Есесіне әрбірінің өз нәтижесі бар, жеңімпаз жаңа есімдер елге танылды.
Елімізде байдарка мен каноэде ескек есу спорты ең кенже қалған спорт түріне жатады. Әлем әрекеттеніп жатқанда біз ұйқыда жатқан едік. Дегенмен жарық дүниеге жақсы көзқарас ұялатып, ұм­тылса, талаптанса кемдігіміз толып, кеңдігіміз көрінетіні беп-белгілі. Мәсе­лен, Қызылорда қаласында ол спорт 2013 жылы ғана қолға алынды. Аты бар, заты жоқ мекеме құрылып, жалынды жұмысты бастап кетті. Мектептерді аралап жүріп, жасөспірімдердерді біртіндеп спортқа тарт­ты. Жанашыр жан болса жетістік деген дым емес ғой, сол су спортты аймақ атын аспанға шығарды. Диана Үдербаева мен Мұхиддин Мейірбеков секілді бап­керлер балалардың тек бағбаны емес, спорттың нағыз сайыпқырандары екен. Республикада байдарка мен каноэде ескек есу спортынан біздің аймақ жұмысты ең соңынан бастаса да, алған абыройы жөнінен басқадан бір белес жоғары. Елі­мізде тұңғыш рет Аргентинаның Буэнос-Айрес қаласында өткен III жасөспірімдер Олимпиада  ойын­дарында жерлесіміз Диас Бахраддин чемпион атанды.
Рас, байдарка мен каноэде ескек есу – бүгінгі таңда Қазақстанда қарқынды дамып келе жатқан спорт түрі. Сонау 1936 жылдан бастап олим­пиадалық спорт түріне енгі­зіл­ген байдарка мен каноэ есу – спорттың ең әдемі және ауыр түрінің бірі. Бұл спорт түрінің жүктемесі өте ауыр, сондықтан есу спорты шаңғы, биатлон сияқты ең ауыр спорт түрлерінің қатарына жатады. Осындай спортқа маңыз қойып, база салынуы өте құптарлық шаруа.
– Қызылорда қалалық сәулет және қала құрылысы бөлімі бізге бой көтеретін нысанның орнын анықтап берді. Бүгінде таңда құ­рылыс басында құм жаю және оны тегістеу жұмыстары жүруде. Одан әрі басқа да жұмыстар жүреді. Онда бір қабатты ғимарат бой көтеретін болады. Оның ішінде спортшыларға арналған барлық жағдай жасалады. Ерлер мен әйелдерге арналған киім ауыстыру бөлмесі, көлік тұрағы, медициналық бөлме, жаттығу залы, жаттықтырушыларға арналған ты­нығу залы, көлік тұрағы сын­ды  орын бар. Одан кейін көл жанында арнайы қайық үшін тұрақ жасалады,– дейді «Bolashak international development» ЖШС-нің директорының орынбасары Айдар Абдрахманов.
Аталған компания «Жұмыспен қамту 2020» бағдарламасы аясында 40 адамды еңбекпен қамтып отыр. Бұған дейін «Bolashak international development» ЖШС республика көлемінде бірнеше ауқымды ны­санның құрылысын жүргізген тәжі­рибесі бар.
Біз осы орайда облыстық спорт басқармасының баспасөз хатшысы Лаура Шоңғаловамен байланысып, су спорттың бүгінгі жайын білген болатынбыз.
– Байдарка және каноэ есу спорты 4-5 жыл көлемінде облыста қарқынды дамып келе жа­тыр. Облыс спортшылары көп­те­ген жетістікке жетуде. Оның бір дәле­лі – Аргентинаның Буэнос-Ай­рес қаласында өткен III жас­өс­пі­рімдер Олимпиада ойын­да­рында жерлесіміз Диас Бахраддин чемпион атанды. Азия чемпиондары Алтынбек Қожахмет пен Гүлжайна Тыныбекова, Азия ойындарының қола жүлдегері Мерей Медетов сынды саңлақтарымыз бар. Бұл спорт түрі бойынша облыстан ҚР Ұлт­тық құрамасына 12 жерлесіміз енді. Байдарка және каноэ есу база­сы­ның құрылысының бой көтеруі спорт­шыларымыздың бұдан әрі жоғары жетістіктерге жетуіне сеп­тігін тигі­зеді, – деді Лаура Шоңғалова.
Иә, Лаураның сөзінің жаны бар. Болашағынан үлкен үміт күтетін спорттың бірі осы екені айқын. Ендігі жерде байдарка және каноэ есу спорты базасының құрылысы бітіп, нысан пайдалануға берілсе талай дарабоздың аламанда аты озып келеді деп үміттенеміз. Қазір құрылыс барысы қарқын алып келеді. Оған көзіміз жетті.
Ж.Қуанышбайұлы
Суретті түсірген Н.НҰРЖАУБАЙ
21 шілде 2020 ж. 834 0

PDF нұсқалар мұрағаты

№92 (1693)

28 қараша 2020 ж.

№91 (1692)

24 қараша 2020 ж.

№90 (1691)

21 қараша 2020 ж.

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 14 326 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам