АРДАГЕРЛЕРДІ ЖАҢА ЖЫЛМЕН ҚҰТТЫҚТАДЫ
Қызылорда облысы Төтенше жағдайлар департаментінің қызметкерлері Ұлы Отан соғысының тыл еңбеккерлерін және құрметті азаматтық қорғау ардагерлерін жаңа жылмен құттықтады.Құттықтаулар қариялардың тұрғын-жайларында бейресми жағдайда өтті. Қызылорда облысы Төтенше жағдайлар департаменті бастығының орынбасары полковник С. Молдақараев, Өрт сөндіру және авариялық-құтқару жұмыстары қызметі бастығының міндетін уақытша атқарушы азаматтық қорғау подполковнигі Н. Ибрагимов және кадр жұмысы бөлімінің бас маманы азаматтық қорғау майоры А. Кеңесова Төлеген Жылқыбаев пен Мария Платоноваға барды.
Әр ардагер үшін сый-сияпат жасалып, ұзақ жылдар аянбай еңбек еткені үшін алғыс айтып, денсаулық пен ұзақ өмір тіледі. Ардагерлер өз кезегінде өздерінің қызмет барасында кездескен қызықты және тағылымға толы естеліктерімен бөлісті.
