ҚЫЗЫЛОРДАЛЫҚ КӘСІПОРЫНДАР ХАЛАЛ СЕРТИФИКАТЫНА ҚОЛ ЖЕТКІЗДІ
Қызылордадағы “Абай Даулет” ЖШС-ның “Сыр дәні” өнімі және “ФАТИМА” ЖК ет дүкені ҚМДБ-ның Халал сертификатына ие болды. Кәсіпкерлерді марапаттау рәсімін Қызылорда облыстық орталық “Ақмешіт-Сырдария” мешітінің бас имамы Талғат Сейткәрімұлы арнайы өткізді, - деп хабарлады islam.kz.Аталған кәсіпорынның “Сыр дәні” өнімі арнайы зертханаға жіберіліп, тексерістің оң нәтижесі көрсетілді. Сондай ақ, “ФАТИМА” ЖК ет дүкені өнімдері мен қасапханасы – 1:2016 “Мал бауыздау және ет өңдеу” және 3:2016 «Халал» өнімдерді өндіруге, дайындауға, өңдеуге, сақтауға, тасымалдауға және сатуға қойылатын жалпы талаптар стандартына сай жұмыс жүргізуінің нәтижесінде ҚМДБ-ның сертификатына ие болды.
