ҚЫЗЫЛОРДАНЫҢ 200 ЖЫЛДЫҚ МЕРЕЙТОЙЫНЫҢ ТӨЛТАҢБАСЫ ТАҢДАЛДЫ
Қызылорда қаласының 200 жылдық мерейтой төлтаңбасын анықтау байқауына бұған дейін 18 қатысушы өтінім білдіріп, 51 жұмыс ұсынылды.
Комиссия отырысының бірінші кезеңі шешіміне сәйкес қатысушыларға өзгертулер мен толықтырулар еңгізіп 10 күн ішінде комиссия отырысының келесі кезеңіне ұсыну шешімі қабылданды.
Бүгінгі комиссия отырысының екінші шешу кезеңіне барлығы 83 жұмыс сарапқа салынды. Комиссия құрамы идеологиялық, көркемдік, мазмұндық, жаңашыл деп танылған 3 қатысушының 6 жұмысын таңдап, дауыс беру арқылы үздіктерін анықтауды ұсынды. Сонымен қатар, белгіленген жүлде қорын осы үздік 3 қатысушының жұмыстарына бөліп табыстауға шешім етті. Дауыс беру қорытындысымен
І орын - Жарқынбекұлы Жалғастың жұмысына (300 000 теңге), ІІ орын - Момышев Бекзат (100 000 теңге) және ІІІ орын - Ембергенов Даниярдың (100 000 теңге) жұмысына берілді.
