АЛПАМЫС БАТЫРДЫҢ ЖАРЫ ГҮЛБАРШЫНҒА ЕСКЕРТКІШ ОРНАТЫЛДЫ
Қазақстан Республикасы Тəуелсіздік күні қарсаңында Жаңақорған ауданы, Қожамберді ауылдық округінде Гүлбаршын анамызға арналған ескерткіштің ашылу салтанаты өтті.
«Алпамыс батыр» жырының жағымды кейіпкерінің бірі, батырдың сүйген жары – Гүлбаршын. Ондағы көптеген əңгімелер Гүлбаршынға байланысты өрбіп отырады. Байбөрі мен Байсарының құда болысуы, Тайша мен Қаражанның таласы секілді күрделі оқиғалардың негізгі түйіні — Гүлбаршын.
Жырдағы сюжет құрылысында осындай айрықша орын алған оның образын жасауға жыршылар үлкен мəн берген. Гүлбаршын асқан көркемдік, сұлулықтың бейнесі ғана емес, сонымен қатар ел арқа сүйеген батырға кіршіксіз таза жар, асқан ақылды, əдіс-айласы мол, жарына сенімді серік, адал ару бейнесінде көзге түседі.
