БАЛАЛАР САЛҒАН СУРЕТТЕР АРАСЫНДА БАЙҚАУ ӨТКІЗІЛДІ
Қызылорда облысы Төтенше жағдайлар департаментінде сала мамандарының балалары салған суреттері арасында байқау өткізілді.
Оған «Өрт сөндірушілер мен құтқарушылар балалардың көзімен» тақырыбында Қызылорда облысы ТЖД, облыстық ТЖД «Өрт сөндіру және авариялық-құтқару жұмыстары қызметі» мемлекеттік мекемесі және «Оңтүстік өңірлік аэроұтқыр жедел құтқару жасағы» мемлекеттік мекемесі қызметкерлерінің балалары қатысты.
Байқаудың шарты бойынша 5-8 жас және 9-12 жас аралығындағы балалар қатыстырылды. Суреттерді бағалаудың негізгі өлшем шарттарына жұмыстың көрсетілген тақырыпқа сәйкестігі, идеяның бірегейлігі, көркемдік шеберлігі, жұмыстың көрнекілігі болды. Байқауда 25 баланың суреттері талқыланып, 5-8 жас аралығында 3 бала, 9-12 жас аралығында 3 бала жүлдегер атанды. Жеңімпаздар дипломмен және бағалы сыйлықтармен марапатталды.
