Марат Омаров – музей директоры
Мен білетін екі Марат бар. Бірі – әнші, композитор де, екіншісі – музей директоры. Екеуімен де ерекше араласып, өнерде, қызметте бір жүрдік. Жалпы, екі Марат та елдің елеулі азаматтары.Ел ішінде аттас есім аз емес, ал, тегі де бірдей кісі кемде кем. Бір қызығы, алпысты алқымдаған қос Маратты құрдас, замандас жан десек жаңылмаймыз. Араларында бір ғана жас айырмасы бар.
Жалпы, директор Марат көп жыл ауыл әкімі, «Нұр Отан» партиясы Сырдария аудандық филиалы төрағасының бірінші орынбасары секілді жауапты қызмет атқарған. Бүгінде ол басқаратын Сырдария аудандық музейінің де мерейі өсіп, жауһар жәдігер толыға түсті. Музейдегі 10009 экспонаттың ішінде өте құнды заттар да кездеседі. Оның ішінде ұлы Абай тұтынған асадал шкаф, Садық ахунның емдік кітаптары, Сауранбай болыстың кебежесі, ағаш астауы мен табақшасы, ожауы бар. Алдағы уақытта жәдігер санын тағы да толықтыра түсетін талап бар.
Қорыта айтқанда, қос Мараттың қызметтегі жолы жарқын, өнердегі ізі өміршең болсын дейміз!
