Кәсіпкерлер қаласы
Ел экономикасының қозғаушы күші шағын және орта кәсіпкерліктің деңгейі қалай? «Жаппай кәсіпкерлікті дамыту жылы» аталған жылдары кәсіпкерлік қалай қанат жайды? Бұл сұрақты жауабы есепті жиында айтылды.«Облыс бойынша нақты жұмыс істеп тұрған кәсіпкерлік нысандардың 49 проценті Қызылорда қаласының үлесінде. Қалада жыл басынан бері өз қаражаты есебінен 91 кәсіпкерлік нысан іске қосылып, жаңадан 501 жұмыс орны ашылды. Индустрияландыру картасы аясында 69 млрд 270 млн теңгеге 8 жоба жүзеге асырылуда. «Нәтижелі жұмыспен қамту», «Бизнестің жол картасы 2020» мемлекеттік бағдарламалары аясында 3,2 млрд теңгені құрайтын 255 жоба қаржыландырылды. Бұл жобалардың аясында мыңдаған жерлестеріміз жұмыспен қамтылады, тұрмысы түзеледі» деді қала әкімі.
