Есірткі сатқан полицей ұсталды
Қызылорда облыстық полиция департаментінің өзіндік қауіпсіздік басқармасы жеке құрам арасында жемқорлықты болдырмау, тәртіпті нығайтып, заңдылықты сақтау бағытында кешенді жұмыстар жүргізіп келеді. Осы мақсаттағы кезекті тексерулер кезінде 10 наурыз күні есірткі сатқан полиция инспекторы ұсталды. Бұл туралы Polisia.kz сайты хабарлайды.
Қазір күдікті уақытша ұстау абақтысына қамалып, сот алды тергеу жұмыстары басталған.
Оқиғаға байланысты пікір білдірген ІІМ Өзіндік қауіпсіздік департаментінің бастығы Арман Саданов министр Ерлан Тұрғымбаевтың тапсырмасымен барлық өңірде жеке құрам арасында құқықбұзушылық пен қылмыстың алдын алуға арналған мұндай шаралар жалғасатынын, полиция қатарында тек қолы мен ары таза жандар ғана қызмет етуі керектігін атап өткен.
