Қала әкімі: 31 станция қайта жаңғыртылады
«Қызылорда су жүйесі» мекемесіне қарасты 62 станцияның 23-інде тиісті жұмыс атқарылуда. Жоба Еуропалық қайта құру және даму банкімен арадағы келісімшарт бойынша жүзеге асырылуда. «Өңірлерді дамыту-2020» бағдарламасы аясында оған республикалық бюджеттен қаржы бөлінді.– Мұның тиімділігі көп. Біріншіден, тұрғындар жиі шағымданатын жағымсыз иіс мәселесі шешіледі. Екіншіден, КНС автоматты түрде қосылып-ажыратылады, сондықтан қосымша жұмыс күші қажет болмайды. Ең бастысы, адам өмірі мен қауіпсіздігін қамтамасыз ете аламыз. Өйткені осындай орындарды жөндеу кезінде жұмысшылар қайтыс болғанын білесіздер. Міндеттеме бойынша мердігер 23 КНС-ті мамыр айына дейін іске қосуы тиіс, – деді қала әкімі.
