Қызылорда облысындағы эпид ахуал күрделі
Өңірде СОVID-19 вирусын жұқтырған 9 медицина қызметкерінің тіркелгендігі мәлім болды. Оның 8-і орта буын, 1-уі кіші буын қызметкері. Бұл туралы Өңірлік коммуникациялар қызметінің ақпараттық алаңында Қызылорда облысының Бас мемлекеттік санитариялық дәрігері Әлия Әбдіқайымова хабарлады.«Анықталған 3 қызметкер кәсіби тұрғыда жұқтырса, қалғандары науқастармен қарым-қатынаста болған. Сондай-ақ, медицина қызметкерлері қаншалықты қорғаныш талаптарын сақтағанымен, жұқтыру жағдайларының орын алғандығын жасыра алмаймыз»,-деді Әлия Мүтәліпқызы.
Өз сөзінде бас санитариялық дәрігер облысымызда 11 компания вахталық әдіспен жұмыс істейтінін айтты. Оның ішінде, екі компанияның қызметкерлері алдағы екі тәулікте ауысыммен жұмыстарын жүргізеді. Ал, вахтадан келген азаматтар үй карантиніне алынатынын да тілге тиек етті.
Құрметті облыс тұрғындары, карантин ережелерін сақтап, үйде болыңыздар.
