Ақынның алып бейнесі
Стрит-арт бағытындағы сурет салу Қызылордаға да жетті. Оған кәсіби шебер мен сапалы бояу қажет. Себебі бір күндік сурет емес, ауа райы мен күн сәулесіне шыдамды болуы шарт.
Сөзіміздің дәлелі – Ұлы Абайдың алып суреті Абай даңғылы мен Ғани Мұратбаев көшелерінің қиылысындағы №17 үйде салынуда. Суретші Рүстем Әлжановтың айтуынша, барлық сылақ әрленіп, суретке дайындалу үстінде. Ұлттық руханияттың үлкен тұлғасына айналған алып суретті қала тұрғындарына сый ретінде қала әкімдігінің тапсырысымен «Энерго Ойл» ЖШС демеушілік есебінен тарту етуде. Мұны эстетикалық талғаммен қатар тағылымды тірлік деп атауға әбден болады.
