ЖАСТАР ІСІ ЖӨНІНДЕГІ КЕҢЕС ОТЫРЫСЫ ӨТТІ
Аудан әкімі мәжіліс залында аудан әкімдігі жанындағы жастар ісі жөніндегі кеңес отырысы өтті. Кеңес отырысының күн тәртібінде 5 мәселе қарастырылды.Аталған мәселе бойынша, аудандық кәсіпкерлік, өнеркәсіп және туризм бөлімі басшысының міндетін атқарушы А.Ерназаров, аудандық денешынықтыру және спорт бөлімінің басшысы Н.Сапарбай, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының міндетін атқарушы Ж. Абенов, аудандық ішкі саясат бөлімінің басшысы Б.Әбдіқадыров, аудандық ішкі саясат бөлімінің «Жастар ресурстық орталығы» КММ-нің директоры А.Маманова баяндамасын оқып, өзекті мәселелерді қозғап, ұсыныс білдірді. Сонымен қатар жастар ұйымдарының өкілдері жастарға қатысты сауалдар қойып, ұсыныстарын жеткізді.
Кеңес отырысының күн тәртібіне сәйкес енгізілген мәселелер қарастырылып, қабылданған шешімнің орындалуы бақылауға алынып тиісті сала басшыларына тапсырмалар берілді.
