ҚАЙЫРЫМДЫЛЫҚ ШЫРШАСЫ ӨТТІ
Облыстық жастар денсаулығы орталығы мен Дүниежүзілік денсаулық сақтау ұйымының Қызылорда облысы бойынша өкілі бірігіп, 26 желтоқсан күні лейкемиямен және даун синдромымен ауыратын балаларға арнап Жаңа жылдық қайырымдылық шыршасын өткізді.Өз жаныңыздың жылуымен бөлісе отырып, оларға арнап жаңа жылдық мереке өткізіп, балалардың көздерінен жақсылық жалынын байқап, ертегіге деген сенімін ояту- қымбат дүние.
Мереке барысында Аяз Ата мен Қарша қыз, облыстық филармония жанындағы «Әдемі» музыкалық театр студиясының ертегі кейіпкерлері, «Сыр Ғалым» аниматорлық шоу студиясы және жастар денсаулығы орталығының еріктілері өнер көрсетті.
Мерекені ұйымдастыру барысында: «Мыңбұлақ» Фитнес клубы және қаламыздың жеке кәсіпкерлер (ЖК «НЕМ», ЖК «Есенбаева», ЖК «Роза», ЖК «Ким») демеушілік көрсетті. Шыршаға 50 бала қатысты.
