МЕКТЕП МЕДБИКЕЛЕРІНЕ АРНАЛҒАН СЕМИНАР ӨТТІ
Сырдария аудандық жастар денсаулығы орталығында "Мектеп оқушыларының денсаулығын сақтау мен нығайту және салауатты өмір салтын қалыптастыру" тақырыбында мектеп медбикелерінің оқыту семинар-тренингісі ұйымдастырылып өтті. Оны облыстық жастар денсаулығы орталығының мамандарының ұйымдастырды.
Семинар-тренинг медбикелерден Пре-тест алумен басталып бағдарламаға сәйкес оқушылардың денсаулығын қорғаудың негізгі стратегиялық бағыттары бойынша, мектептегі ортаның физикалық және әлеуметтік- эмоционалдық бағыттарымен таныстырып оқушыларды салауатты өмір салтына баулу мен санитарлық гигиеналық тәрбиелеу әдістерін жастар денсаулығы орталығының валеологы А. Ермаханова жетік түсіндірді. Оқушылардың салауатты тамақтану негіздері мен ақпаратты тиімді жеткізу әдістері туралы түсіндіре отырып, зияңды заттардың /кириешки, кола, чипсы / сияқты заттарды мысал етіп көрсетті. Семинар барысында миға шабуыл мақсатымен "Сәлемдесу, танысу", "Ыстық орындық", "Ертегі терапиясы" тренингтері жүргізіліп сергіту арқылы қарым қатынасты дұрыстау мен зейін қойып тындауды жаттықтырды.
