ЖАҢА ЖЫЛДЫҚ ШЫРША ӨТКІЗІЛДІ
Бүгін Жалағаш кенті орталығындағы "Айбибі" салтанат сарайында мүмкіндігі шектеулі балаларға арналған жаңа жылдық шырша шарасы өткізілді.
Шара басында аудан әкімінің орынбасары Ж.Тажмаханов құттықтау сөз алып, ауданның өткен жылдағы толағай табыстарымен бөлісіп, қатысушы ата-аналар мен балаларды санаулы күндерден кейін келетін Жаңа жыл мерекесімен құттықтады. Кеш қонақтары ауданның бір қатарлы үлгі тұтар азаматтарының жылы лебізінен кейін, ауданымыздағы жас өрендердің өнерін тамашалап, Жаңа жылдық мерекеге арналған сый-сияпаттарын қабыл алды.
