БАЛЫҚ ШАРУАШЫЛЫҒЫ ҚАРҚЫН АЛДЫ
Арал ауданы Қаратерең ауылында балық шаруашылығы үлкен серпінмен дамып, цехтардың жұмысы жанданып келеді.Мәселен, өткен жылдың өзінде округте жеке кәсіпкер Қазына Шаудырбаева өз кәсібін дамыту мақсатында «Ар-М-Кон» ЖШС құрып, балық қабылдау және тоңазыту цехын ашса, «Нәтижелі жұмыспен қамту және жаппай кәсіпкерлікті дамыту» бағдарламасы негізінде үлкен қолдауға ие болған, өз кәсібін ашып отырған Әшім Жаңайбековтың балық өңдеу цехы іске қосылған. Сондай-ақ, бұған дейін өз жұмысын тұрақты жүргізіп отырған «Қуаныш» ЖШС ауылдағы 45 адамды жұмыспен қамтыса, бұған қоса, «Жалғасбай» ЖШС-нің балық қабылдау орталығы салынуда.
