НАҒИ АУЫЛЫНДА ӘКІМДІК ҒИМАРАТЫ ПАЙДАЛАНУҒА БЕРІЛДІ
Бүгін Сырдария ауданындағы Нағи Ілиясов ауылдық округінде аудандық бюджет есебінен салынған ауыл әкімі аппаратының жаңа ғимараты пайдалануға берілді.Жаңа нысанның ашылу салтанатына аудан әкімінің орынбасары Балшекер Өтегенова бастаған атқарушы билік өкілдері қатысып, ауыл халқының қуанышына ортақтасты.
Жаңа нысанның ашылу салтанатында ауылдың игі жақсылары сөз сөйлеп, жергілікті бюджет есебінен бой көтерген нысанның пайдалануға берілуін жақсылаққа балады. Ауыл ақсақалы Керейтбай Мамытов көпшілікке бата беріп, әкімдік қызметкерлерінің жұмысына жеміс тіледі.
