КҮРІШТІҢ ЖАҢА СОРТТАРЫНА МӘН БЕРІЛДІ
«Сыр сұлуы» деп аталған күріштің жаңа сорты көп ұзамай Қызылорданың брэндіне айналуы ғажап емес. Ыстық әрі құрғақ ауа райына бейімделген бұл сұрыптың әр гектарынан 90 центнерге дейін өнім алуға болады. «Өнімділігі элиталы тұқымдардан кем түспейді және тауарлық сапасы өте жақсы. Дәні – ұзын әрі шынылығы жоғары.
Ы.Жақаев атындағы Қазақ күріш шаруашылығы ҒЗИ ғылыми қызметкері Өмірзақ Аймұхамедовтің айтуынша, күріштің құрғақ жерде өсуі тіршілік нәрін үнемдеуден бөлек, селекциялық зерттеулерге де айтарлықтай қолайлы болып тұр. Әдетте институттың ғылыми қызметкерлері шыжыған шілдеде тізеден су кешіп жүріп, будандастыру жолымен жоғары сұрып алу жолында тер төгетін. Енді бұл қиындықтар да артта қалды.
2020 жылға қарай Қызылорда облысында егілетін күріш көлемінің 50 пайызын өзіміздің Қазақ күріш шаруашылығы ғылыми-зерттеу институтының тұқымдарымен егуге назар аударылып отыр.
