ҚАЗАЛЫДА ДІНИ ТАНЫМДЫҚ КОНФЕРЕНИЯ ӨТТІ
Конференцияда Қазақстан мұсылмандары діни басқармасы тарапынан жарық көрген бас муфти Ержан Малғажыұлының «Жаназа және жерлеу рәсімдері» атты туындысы талқыланды. Кітап туралы «Қожаназар ишан» мешітінің имамы Кенжебай Берінбаев, аудандық адагерлер кеңесінің төрағасы Оразғали Бекбанов, Әйтеке би кентінің тұрғыны Тағыберген Өтемісов өз ойларымен бөлісті. Сонымен қатар орталық «Жанқожа батыр» мешітінің бас имамы Берік Сүлейменов жаназа рәсімдеріндегі кейбір мәселелер мен ысырапшылықтың алдын алу туралы баяндап, діни рәсімдерді осы кітапта көрсетілген нұсқаулықтарға сәйкес орындаған жөн екендігін айтты.
Конференцияға қатысушыларға «Жанқожа батыр» мешіті тарапынан «Жаназа және жерлеу рәсімдері» кітабы тарту етілді.
