ХҚКО-ДА ҚОҒАМДЫҚ ҚАБЫЛДАУ ӨТТІ
Бүгін «Азаматтарға арналған үкімет» мемлекеттік корпорациясы КЕАҚ Қызылорда облысы бойынша филиалы «Халыққа қызмет көрсету орталығы» департаментінің №1 бөлімінде түрлі сала мамандарының қатысуымен қоғамдық қабылдау өтті.Шара тұрғындардың құқықтық сауаттылығын арттыру, құқық бұзушылыққа мүлдем төзбеушілік қағидатын қалыптастыру, сыбайлас жемқорлықтың алдын алу мақсатында «Самрұқ» инновациялық идеяларды дамыту орталығы» қоғамдық қорымен ұымдастырылды.
«Қаладағы халықтық көп шоғырланатын орындарының бірі болғандықтан, қоғамдық қабылдауды Халыққа қызмет көрсету орталығында әдейілеп өткізіп отырмыз. Орталыққа келген қызмет алушылар өзекті мәселелер бойынша прокуратура, ішкі істер, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменттері мамандарына сұрақтарын қойып, тұщымды жауап алды. Қабылдау халық тарапынан оң бағаланып отыр. Алдағы уақытта шара жалғасын табатын болады», - дейді қоғамдық қордың директоры Ж.Түсмағамбетов.
