ҒАРЫШКЕРЛЕР КҮНІНЕ ВОЛЕЙБОЛДАН ТУРНИР ӨТТІ
Байқоңыр қаласында Ғарышкерлер күніне орай волейболдан ардагерлер арасында дәстүрлі ашық турнир өткізілді. Жарысқа бес ерлер, екі әйелдер командалары бақ сынасып, үздіктер анықталды. Нәтижесінде ерлер арасында 1-орынды Байқоңырдың «Ветеран» командасы алса, екінші орынды Байқоңыр қаласының «Коммунальщик», үшінші орынды Қызылорда қаласының «Ардагер» командалары еншіледі.
Ал әйелдер арасында Байқоңыр қаласының «Комета» командасы - бірінші, «Байқоңыр» командасы - екінші орындарды иеленді.
«Үздік шабуылшы» номинациясымен Владимир Ворон (Байқоңыр, «Ветеран» командасы), «Үздік қорғаушы» - Жұмахан Нұртазаев (Қызылорда «Ардагер» командасы), «Үздік байланыстырушы» - Бақытбек Кеңесов (Байқоңыр «Коммунальщик» командасы) марапатталды.
Жеңімпаздар мен жүлдегер командаларға диплом, медаль, естелік сыйлықтар берілді.
