АЙМАҚТЫҚ СЕМИНАР ӨТКІЗІЛДІ
Қалалық білім бөлімінің жоспарына сәйкес «Сыр еркесі» мемлекеттік балабақшасы базасында Коммуникативтік тілдік дағдылар «Балалардың еркін қарым-қатынас жасау дағдыларын қалыптастыру» тақырыбында №4 аймақ әдістемелік бірлестігіне қарасты аймақтық семинар өткізілді.Бұл шара балалардың коммуникативтік тілдік, логикалық ойлау қабілеттерін қалыптастыра отырып, табиғат әлеміне танымдық қызығушылықтарын арттыру мақсатында ұйымдастырылған.
Аталған шараға №4 аймақтық әдістемелік бірлестікке қарасты мемлекеттік және жеке меншік балабақшалардың әдіскерлері және тәрбиешілері қатысты.
Елбасымыздың «Балапан» бағдарламасы аясында 2012 жылы ашылған «Сыр еркесі» балабақшасы 240 баланы тәрбиелеп келеді.
Семинарды әдістемелік бірлестік жетекшісі З.Ш.Ерназарова ашты. Ол қазіргі таңда мектепке дейінгі тәрбие мен оқытудың жаңартылған білім беру мазмұнын іске асыру арқылы бүлдіршіндердің логикалық ойлау қабілеттерін қалыптастыру керектігіне тоқталып өтті. Одан кейін «Сыр еркесі» балабақшасының тәрбиешілері дайындаған жұмыстары көрсетілді.
Айтолқын АЙТЖАНОВА.
