ҰСТАЗ ҰЛАҒАТЫ
Қорқыт ата атындағы Қызылорда мемлекеттік университетінің 1 оқу ғимаратында облысқа белгілі ғалым, ұлағатты ұстаз, философ Мұстафа Матайұлының атына берілген дәрісхананың салтанатты ашылуы өтті. Аталмыш шараны университет ректоры Қылышбай Бисенов ашса, облыс мәслихат хатшысы, ұлағатты ұстаздың шәкірті Наурызбай Байқадамов сөз сөйледі. Дәрісхананың ресми салтанатты ашылуына ғалымның шәкірттері, сырлас достары және ұлы Ғалымжан Матаев ол туралы естеліктерден сыр шертіп, өмір тарихына тоқталды.
Жаңадан қолданысқа берілген дәрісхана Мұстафа Матайұлының жеке естеліктерімен, ұстаз бағындарған белестерімен, еңбектеріне толы. Жарты ғасырдан астам ғұмырын білімге, шәкірт тәрбиелеуге арнаған ұлы ұстаздың мәртебесі әрдайым биік. Айта кетейік, ардагер ұстаз аталмыш жоғары оқу орнында 50 жылға жуық еңбек еткен.
Нұрай ОҢАЛ.
