ТАЛСУАТТА – ЖАҢА ӘКІМ
Қалалық мәслихат депутаттары Талсуат ауылдық округі әкімінің лауазымына сайлау өткізді. Оған халық қалаулылары, аумақтық сайлау комиссиясының мүшелері, саяси партия өкілдері, қоғамдық бақылаушылар, жергілікті атқарушы орган басшылары және БАҚ өкілдері қатысты. Сайлау барысында қалалық мәслихат хатшысы Роза Боханова дауыс беруге 19 депутаттың 15-і қатысқанын жеткізді.
Қалаға қарасты ауылдық округтің әкімі болуға екі үміткер ұсыныс білдірген еді. Осы уақытқа дейін қос үміткер Болатбек Нұрлыбаев пен Нұрсұлтан Сәдуақастың сайлауалды бағдарламалары депутаттар алдында тыңдалды. Б.Нұрлыбаев «Мемсараптама» РМК облыстық филиалының директоры, осы РМК-ның Қостанай облыстық филиалы директорының қызметін атқарды. 2015-2016 жылдар аралығында Қызылорда мұнай өңдеу зауытында құрылыс және өндірістік-техникалық бөлімдерінің басшысы болды. Жалпы, біраз қызметтерді абыроймен атқарған. Ал, Н.Сәдуақас 2014 жылдан бастап мемлекеттік қызметте келе жатқандығы белгілі.
Қалалық аумақтық сайлау комиссиясының төрағасы Асқарбек Есжанов әкiмдер сайлауында дауыс беру және сайлау қорытындыларын анықтау «Қазақстан Республикасындағы сайлау туралы» ҚР Конституциялық заңында белгiленген сайлау рәсiмдерiне сәйкес жүзеге асырылғанын айтты.
Сайлау нәтижесі бойынша басым дауыспен халық қалаулылары сеніміне ие болған үміткер Болатбек Нұрлыбаев Талсуат ауылдық округінің әкімі болып тағайындалды.
Қалаға қарасты ауылдық округтің әкімі болуға екі үміткер ұсыныс білдірген еді. Осы уақытқа дейін қос үміткер Болатбек Нұрлыбаев пен Нұрсұлтан Сәдуақастың сайлауалды бағдарламалары депутаттар алдында тыңдалды. Б.Нұрлыбаев «Мемсараптама» РМК облыстық филиалының директоры, осы РМК-ның Қостанай облыстық филиалы директорының қызметін атқарды. 2015-2016 жылдар аралығында Қызылорда мұнай өңдеу зауытында құрылыс және өндірістік-техникалық бөлімдерінің басшысы болды. Жалпы, біраз қызметтерді абыроймен атқарған. Ал, Н.Сәдуақас 2014 жылдан бастап мемлекеттік қызметте келе жатқандығы белгілі.
Қалалық аумақтық сайлау комиссиясының төрағасы Асқарбек Есжанов әкiмдер сайлауында дауыс беру және сайлау қорытындыларын анықтау «Қазақстан Республикасындағы сайлау туралы» ҚР Конституциялық заңында белгiленген сайлау рәсiмдерiне сәйкес жүзеге асырылғанын айтты.
Сайлау нәтижесі бойынша басым дауыспен халық қалаулылары сеніміне ие болған үміткер Болатбек Нұрлыбаев Талсуат ауылдық округінің әкімі болып тағайындалды.
Ақтолқын НҰРЛЫБАЙ.
