ОҢАЛТУ ОРТАЛЫҒЫНДА МЕРЕКЕЛІК ШАРА ӨТТІ
Сейсенбіде «Мүгедектерге арналған оңалту орталығы» КММ-нің құрылғанына алты жыл толуына орай Талсуат ауылында орналасқан Оңалту орталығында «Мерекеңмен, үміт ұясы» атты шара өтті.Мерекелік кеш орталық ауласында су бұрқақтың ашылуымен басталды. Алдағы уақытта бұл маңға түрлі ағаштар отырғызылып, емделушілер танығатын саябаққа айналмақ. Сондай-ақ, орталық пен «Zhasproject» жастар жобасы бойынша жеңімпаз жас кәсіпкерлермен екі жақты меморандумға қол қойылды. Мұнан былай «Логапедиялық қызмет», «Цифрлық заман», «Инво СТО» жобалары Оңалту орталығымен тығыз байланыста жұмыс істейтін болады.
Жиында «Талсуат ауылдық округінің әкімі» Болатбек Нұрлыбаев, "Облыстық мүгедектер орталығының" төрағасы Мұрат Жұмаділдаев және "Мүгедектерге арналған оңалту орталығы" КММ директоры Мейрамбек Әбдукаримов сөз алып, ем алушыларды құттықтады.
Шара барысында "Қарбыз Fest", "Қарбыз көтеруден" және "Самаурын қайнатудан" жарыстар ұйымдастырылып жеңімпаздар дипломдармен және бағалы сыйлықтармен марапатталды.
