АУЫЛШАРУАШЫЛЫҚ ӨНІМДЕРІНІҢ ЖӘРМЕҢКЕСІ ӨТТІ
Қармақшы ауданының орталығы – Жосалы кентінде ұйымдастырылған жәрмеңкеде 38 көліктен жалпы құны 8 млн. 725 мың теңгені құрайтын 63 тонна ауылшаруашылық өнімдері сатылды. Соның ішінде 1 тонна балық, 25 тонна күріш, 8 тонна көкөніс, 12 тонна бақша өнімдері барлығы 14 түрлі ауылшаруашылық өнімі ұсынылды. Жәрмеңкені аудан әкімі Сұлтан Мақашов аралап, халыққа ұсынылған өнімдердің сапасы мен бағаның тұтынушыларға қолжетімділігін тексеріп шықты. Бүгінгі жәрмеңкеде сапалы өнімдерге қойылған тиімді бағалар мен арнайы ұйымдастырылған концерттік бағдарлама жәрмеңкеге келушілерге мерекелік көңіл-күй сыйлады.
