ЖАЛАҒАШ ТҰРҒЫНДАРЫ КӨМІРМЕН ҚАМТАМАСЫЗ ЕТІЛУДЕ
Жалағаш ауданында қатты отынның тапшылығы жоқ десек те болады. Аудан басшылығы тарапынан тұрғындарға көмір әкелуде барлық мүмкіндіктер қарастырылуда. Бүгін аудан орталығындағы көмір қоймасына сәскеде 3 вагон (180 тонна), түс қайта 4 вагон (240 тонна), барлығы 7 вагон (420 тонна) қатты отын жеткізілді. Көмірдің бағасы 15 000 теңгеден, халыққа қолжетімді. Көмір қоймасында жұртшылық ұзын-сонар кезекке де тұрмады, дүрбелең де болмады. Тұрғындарға айта кетеріміз, қатты отын әлі де сатылымда бар және алдағы уақытта да тұрақты түрде жеткізіліп тұратын болады.
