АУДАНДЫҚ ДӘСТҮРЛІ ОЛИМПИАДА ӨТТІ
Қармақшы ауданындағы А.Жанпейісов атындағы №105 мектеп-лицейде Ұлы Отан соғысы және еңбек ардагері, ұстаз Үсен Қошалақовты еске алуға арналған мектеп оқушылары арасында математика пәні бойынша аудандық дәстүрлі олимпиада өтті.Олимпиадада ауданның барлық өңірлерінен келген 100-ден астам жас математиктер өз білімдерін сарапқа салды. Жас білімгерлердің сайысын қорытындылау салтанатында аудан әкімінің орынбасары Мәжит Сәмитов құттықтау сөз сөйледі. Мұнан соң халықаралық «Қазақ тілі» қоғамы аудандық филиалының төрағасы Әбдірахман Құлдүйсенов, сала ардагерлері, Үсен Қошалақтың әріптес інілері Көшер Іскендіров пен Нәжмадин Өсеров, шәкірттері Жылқыбай Науанов пен Күлжауһар Раева, туысқандары атынан Еркін Атабаев, Үсен Қошалақов атындағы пәндік олимпиаданың бірнеше дүркін жеңімпазы Әсел Аяпова және басқалар сөз сөйлеп, естеліктер айтты.
Жеңімпаздар мен жүлдегерлерге дипломдер мен естелік сыйлықтар тапсырылды.
