ҚЫЗЫЛОРДАЛЫҚ МОТОҚАУЫМДАСТЫҚТЫҢ 25-ТЕН АСТАМ МҮШЕСІ БАР
Қала тұрғындарының ұсыныстары бойынша мотокөлік жүргізушілерінің тарапынан болатын Жол қозғалысы ережелерін бұзудың алдын алу мен ескерту, мотокөліктердің қатысуымен орын алатын жол апаттарының алдын алу мақсатында Қызылорда ҚІІБ-ның Жергілікті полиция қызметінің басшылары «Мотоқауымдастығы қоғамдық қоры ҚҚ» мүшелерімен кездесті.Өткізілген кездесу барысында Қызылорда қаласының «Мотоқауымдастығы қоғамдық қорының ҚК» төрағасы Дәулет Әбенов аталған қауымдастықтың 2017 жылдың сәуір айынан бастап ашылғандығы, барлығы 25-тен аса мотокөлік жүргізушілері есепте тұратындығы, ол қауымдастыққа тек тәжірибелі жүргізушілердің іріктеліп алынатындығы және де қала орталығында көшелерде, автожолдарда жол қозғалысы ережелерінің барлық талаптарын бұлжытпай орындалулары жөнінде түсіндірме жұмыстарын күнделікті өткізіліп отыратындығы туралы айтып өтті.
Сонымен қатар, Қызылорда қаласында мотоқауымдастыққа қатысы жоқ мотокөлік жүргізушілерімен де профилактикалық жұмыстар жүргізілетін болады.
Аталмыш жиын барысында Қызылорда ҚІІБ-ның Жергілікті полиция қызметі бастығының орынбасары полиция подполковнигі Руслан Шағырбай жол қозғалыс ережелері талаптарының қатаң сақталуын, оның ішінде ең бастысы көлік құралының жылдамдығын арттырмау қажеттігін ескертті.
Қызылорда ОІІД баспасөз қызметі
