ӨРТ – ТІЛСІЗ ЖАУ
Облыс бойынша биыл 389 өрт оқиғасы орын алды. Өткен жылы 342 өрт орын алған. Материалдық шығын 34 млн. 276 мың теңгені құраған. Бұл туралы бүгін Өңірлік коммуникациялар қызметінде өткен баспасөз конференциясында Төтенше жағдайлар департаментінің өрт қауіпсіздігі саласындағы бақылау және профилактикалық қызмет басқармасының бастығы Руслан Қайрақбаев мәлімдеді.Өрт салдарынан жарақат алғандар саны 9 адамға жеткен. Өткен жылы 11 адам жарақаттанған.
Сонымен қатар, 2016-2017 жылдардың жылыту маусымы мерзімінде облыс бойынша 22 түтінге және табиғи газға улану фактісі тіркелген. Олардан барлығы 63 адам зардап шегіп, емдеу орындарына жүгінген.
Алда жылу маусымы. Сондықтан әрбір тұрғын өрт қауіпсіздігін сақтау шараларына мұқият болып, қауіптің алдын алу қажет.
