АРАЛ ТЕҢІЗІНДЕ ЗАҢСЫЗ БАЛЫҚ АУЛАҒАНДАР ҰСТАЛДЫ
Арал аудандық ішкі істер бөлімі қызметкерлері мен Қызылорда облыстық орман шаруашылығы және жануарлар дүниесі аумақтық инспекциясының қызметкерлерімен бірлесіп жүргізілген рейд барысында Кіші Арал теңізінің №18 учаскесінде «Прогресс» үлгісіндегі жүзу кемесімен балық аулап тұрған жерінен Арал ауданының 2 тұрғыны ұсталды.Тексеру барысында, «Ветерок-8» үлгісіндегі ілмелі моторы, 7 дана синтетикалық аулар және жалпы салмағы 205,5 келіні құрайтын көксерке балығы анықталып, айғақ зат ретінде тәркіленді. Аталмыш дерек бойынша Сотқа дейінгі тергеп-тексерудің бірыңғай тізіліміне ҚР Қылмыстық кодексінің 335-бабы 3-бөлігі 4 және 5-тармақтары негізінде тіркеліп, жан-жақты тергеп-тексеру амалдары жүргізілуде.
Егер де ұсталған азаматтардың кінәсі толығымен дәлелденсе, белгiлi бiр лауазымдарды атқару немесе белгiлi бiр қызметпен айналысу құқығынан 3 жылға дейiнгi мерзiмге айыра отырып, 2000 айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не 2 жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.
