Жас өрендер ертегілер әлеміне саяхат жасады
Бүгін Ә.Тәжібаев атындағы облыстық әмбебап ғылыми кітапханасы «Рухани жаңғыру» бағдарламасы аясында «Кітаппен бірге өсеміз» жобасы бойынша балаларға арналған «Сиқырлы сандықтағы ертегілер» атты мерекелік шара өткізілді.
Ерте жастан оқуға баулу, адамгершілік негіздерін қалыптастыру, шығармашылық қабілеттерін дамыту және ашу мақсатында ұйымдастырылған шараға қаладағы «Еркемай», «Жайна құлыншақ», «Сыр еркесі», «Ұлпан» балабақшалары қатысып, кішкентай оқырмандарымыз өздерінің сүйікті «Алма ертегісі», «Жеті лақ мен қасқыр», «Құмырсқа», «Мақта қыз бен мысық» ертегілерін сахналап, түрлі ән-билер орындады.
