ӨРТ ҚАУІПСІЗДІГІНЕ БАЙЛАНЫСТЫ АРНАЙЫ ШАРА ӨТКІЗІЛДІ
Үстіміздегі жылдың 11 айында Қызылорда қаласында өрттен адамның қазалары көбейіп кетті. Нақтырақ айтсақ, 3 адам көз жұмды. Ірі көлемде материалдық шығындар келтірілді. Ағымды жылдың 11 айында жалпы саны 224 өрт оқиғасы орын алды, осы бағытта өрттердің алдын алу, болдырмау үшін Қызылорда қаласы Төтенше жағдайлар басқармасы өрт қауіпсіздігі бойынша үгіт-насихат жұмыстарын үздіксіз атқаруда.Сонымен қатар, улы газбен улану салдарынан орын алатын адам қазасы мен жарақаттануын азайту мақсатында Басқарма және «ӨСжАҚЖҚ» ММ қызметкерлерімен бірлесіп, тұрғын секторларында Қызылорда қаласының тұрғындары мен қонақтарына өрт қауіпсіздігі туралы жадынамалар таратып аула аралау жұмыстары жүргізілуде. Аталмыш аула аралау шараларын халыққа кеңінен насихаттау мақсатында бұқаралық ақпарат құралдарының қызметкерлері де қатыстырылуда.
