Тағзым алаңы жаңғыртылуда
Шаһар басшысы Нұрлыбек Нәлібаев қаладағы бірқатар нысандарды аралады.
Аралау барысында шаһар басшысы «Тағзым алаңы» аумағын қайта жаңғырту мен абаттандыру жұмыстарының жүргізілу барысын көрді.
Бұл жұмыстарға «Жұмыспен қамту жол картасы» мемлекеттік бағдарламасы аясында қаржы қаралған. Бүгінде республикалық бюджеттен бөлінген қаржыға жеңісті жақындатқан батырлады еске алуға арналған ескерткіш тақталары жаңартылды. Ерлігі елге дастан майдангерлер есімі «архитас брендінің» тақтайшаларына жазылады. Тақтайшаларды бекіту үшін стеклокомпозит материалынан 16 тұғыр салынған. Заманауи материалдың суға, ызаға, күнге қарсы төзіміділігі жоғары.
Қазіргі уақытта жоспарға сай алаңның 5780 шаршы метр аумағына түрлі-түсті, 530 шаршы метр жеріне сұр брусчаткалар төселіп, бордюрлар қойылған. Сонымен бірге қоқыс жәшігінің саны артып, демалушылар үшін 30 дана орындықтар орнатылады және нысан 300 метр темір қоршаумен қоршалатын болады.
Жаңғырту жұмыстарына жауапты «Асанас-Дар» ЖШС түнгі жарықтандыру шамдарын жаңалап, 10 450 шаршы метр көгалдандыру жұмыстарын өз қаржысы есебінен жүргізіп, демеушілік білдіруде.
Алаңды қайта жаңғырту қыркүйек айының ортысында толығымен аяқталатын болады.
