ӨРКЕНИЕТ ӨРІСІ
Елбасының «Үш тұғырлы тіл» саясатын насихаттау мақсатында Қызылорда қаласындағы №20 кітапханада «Үш тұғырлы тіл – өркениет өрісі» атты пікірталас өтті. Шараның басты мақсаты – жас ұрпаққа тіл үйренудің мәнін, маңызын түсіндіріп, өз ой-пікірлерін ашық білдіруге тәрбиелеу.
Шара барысында қатысушылар екі топқа бөлініп, тақырып аясында өз ой-пікірлерін ортаға салды. Бірінші топтың қатысушылары «Үш тұғырлы тіл» туралы идеяны бәсекеге ұмтылудың бірінші баспалдағы екенін атап өтті. Ал, екінші топ өз шет тілдерді меңгеру заман талабы болғанымен, ана тіліміздің де аясын кеңейтеді.
Сонымен қатар, шет тілді толық игермей тұрып, жаратылыстану пәндерін ағылшын тілінде оқыту баланың үлгерімін нашарлауына әкеледі деп өз ойларын білдірді.
Ақерке СЕЙІТОВА,
ҚМУ-дің IV-курс студенті.
