ҚАЛА ӘКІМІ РЕСПУБЛИКАЛЫҚ ПӘНДІК ОЛИМПИАДАЛАРДЫҢ ЖҮЛДЕГЕРЛЕРІМЕН КЕЗДЕСТІ
Қала әкімі Нұрлыбек Нәлібаев мектеп оқушылары арасынан халықаралық және республикалық пәндік олимпиадалардың жүлдегерлерімен кездесу өткізді.
Жас өрендермен кездесу барысында қала әкімі оқушылар мен ұстаздарды арнайы марапаттады.
Үстіміздегі жылы қаламыздың дарынды оқушылары елімізде, Ресей мемлекетінде және Оңтүстік Кореяда өткен халықаралық олимпиадаларға, ғылыми жарыстарға, республикалық пәндік олимпиадаға қатысып 21 оқушы жүлделі орындарды иеленген. Оның ішінде республикалық пәндік олимпиадада бақ сынаған жүздеген қатысушының ішінен 2 алтын, 1 күміс, 5 қола медаль Қызылордалықтардың еншісіне бұйырған. №3 мектеп-лицейдің оқушылары – 2 алтын, 3 қола медаль, №2 «Мұрагер» мектебінен – 1 күміс медаль, №4, 5 мектеп оқушылары – 2 қола медаль иеленген.
Сонымен қатар, салтанатты қабылдау барысында 40 жылға жуық білім саласында қызмет жасаған Алтынсары Шүренов қала әкімінің «ҚҰРМЕТ ГРАМОТАСЫМЕН» марапатталды. Ол қызметтегі 27 жылында қаламыздағы бірнеше мектепте басшылық қызметте болған. Ұрпақ тәрбиесіндегі ерекше еңбегі еленіп, «Ы.Алтынсарин» медалінің иегері және «Қазақстан Республикасының білім беру саласының үздігі» атағын иемденген. Сондай-ақ, екі рет қалалық маслихат депутаттығына сайланған.
Айтолқын АЙТЖАНОВА.
