ӨНЕРПАЗДАР АУДАН ЖАСТАРЫМЕН КЕЗДЕСТІ
Шиелі ауданындағы "Арман" мәдениет үйінде қазақ эстрадасының жарық жұлдызы, ақын, сазгер, жас әнші ұлттық өнердің жанашыры, жас талант иесі Әл-Фараби Бекарысұлы мен өнердегі әріптесі Үкітай Ерниязовтың аудан жастарымен кездесу кеші өтті.Кездесу Әл-Фараби Бекарысұлының шығармашылығына арналды және кеш барысында көптеген шығармалары халық сұранысы бойынша орындалып, күмбірлеген күй тартылды. Сонымен қатар Әл-Фараби Бекарысұлының әндерін ҚР-ның жарық жұлдыздары Роза Әлқожа, Серік Ибрагимов, Төреғали Төреәлі т.б әншілер орындап жүр. Шара соңында Арман мәдениет үйінің директоры Н.Шәлекеева өнеріне табыс тілеп, сыйлықтар табыстаса, "Жастар ресурстық орталығы" КММ-сі атынан арнайы алғыс хат тапсырылып, естелік сыйлық табысталды. Әсерлі кеште ақ жаулықты анамыз, алтын алқа иегері Қоғалы ауылының әйелдер кеңесінің төрайымы Қожахметова Рахия апамыз ақ батасын берді. Әсерлі кешке жиналған өнер сүйер қауым қимастықпен тарқасты.
